Plantun de Prouvènço

Pèr coumpara dos planto d'encò nostre

Hypecoum pendulum & Hyoscyamus albus

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Caleiado

Hyoscyamus albus

Solanaceae

Àutri noum : Jusquiam-blanc, Erbo-dóu-mau-de-dènt, Erbo-de-dènt, Faio.

Nom en français : Jusquiame blanche.

Descripcioun :
La caleiado es uno planto pulèu forto, pelouso, que trachis dins lis escoumbre e i pèd di baus. Se recounèis eisa quand flouris à si bèlli flour jauno emé souvènt (mai pas toujours) lou centre vióulet à negre.

Usanço :
Ei couneigudo, coume l'erbo-dóu-mau-de-dènt, pèr leva lou mau i dènt. S'acampavo li grano, pièi èron jitado emé de braso, e emé uno bolo èro acampa lou fum, pièi enca se metié d'aigo boulènto dedins pèr èstre alena emé un torco-man (P. Lieutaghi, op.cit. p. 287). Fau saupre qu'es uno planto proun empouisounanto que caup d'alcalouïde dangeirous.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hyoscyamus
Famiho : Solanaceae

Coulour de la flour : Jauno Vióuleto
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco :

Liò : Escoumbre e proche dis oustau - Paret - Mar
Estànci : Termoumediterran à Mesoumediterran
Couroulougi : Pancaro entresigna
Ref. sc. : Hyoscyamus albus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Hypecoum pendulum & Hyoscyamus albus

ges

Coumpara Cumin(-pendoulant) emé uno autro planto

Coumpara Caleiado emé uno autro planto